|
|
Ua Kayongo Hybrid Maize
A New Approach to Controlling Parasitic Striga for Kenyan Maize Producers |
|
||||||||||||||||
|
|
Jiwo Jopur Ma Kenya Mondo Okaw Okang Mar Tieko Kayongo
Striga, ma nyinge ong’ere ahinya kaka Kayongo (gi dholuo) kata Oluyongo (gi dholuhya), en buya marach maketho cham ahinya - moloyo to oduma, to kendo okelo kech ne ji kendo ei udi tara gi gana. Kayongo chamo chiemo moa e oduma, ma oduma onego otigo. Kodhi mar Kayongo donjo ga e low ndalo pur to kendo onyalo dong’ e lowo kanyo ka ok oti kuom higni mang’eny. Koth Kayongo ma ti makore e tie oduma, aito oywayo kendo onyodho chiembe koa kuom odumano. Ma miyo oduma thirno kendo bang’e to otuo ma otho. Kayongo onego opudhi kod lwedo, chokgi kanyakla achiel kod it cham kod tiag’ e puodh ma oyudore ma wang’gi mondo ogeng’ keeruok mare e puothe mamoko.
Kodhi moro mar odumb hybrid ma iluongo ni Ua Kayongo obuki kod yadh buya ma iluongo ni StrigawayTM, osekel manyien e Kenya ma yo podho chieng’ mondo ogeng’ kayongo monjo oduma. Yadh buya ni nego Kayongo mapod koka ti kendo temo mondo omakre e tie oduma. Ua Kayongo ipidho kendo irito mana kaka kothe mamoko mag oduma ka iluwo yore ma owinjore kendo madwarore mag pur, okang’, kothi, mbolea kod doyo e saa mowinjore. Ua Kayongo kata kamano ok nyal pidh ei bur achiel kod alote kendo jopur nyaka luok lwetegi maber ahinya tok tiyo go kodhi ni mondo kik gikethi kothe mamoko kod yadh buya mar StrigawayTM .
Jopur ma a Kenya ma imbo ijiwo mondo otiek Kayongo ka giriwo kodhi mar Ua Kayongo kod yore mamoko mag tieko Kayongo. Jopur biro fwenyo ni buya mamoko bende ok ti but odumani nikech yadh buya mar StrigawayTM geng’o kendo thiro gi. Kothe mag oduma mar Ua Kayongo biro yudore kendo ibiro loki e yor ohala e chirni ma Kenya ka ka okalo kuom kembe mag loko kodhi ma gin Kenya Seed, Lagrotech gi Western Seed e dweche adek mogik mag higa 2005.
|
|||||||||||||||||
|
Format Home l Striga Home l Mobilizing Farmers l Striga Threats l Know your Enemy l First Defense Striga Management l Ua Kayongo l Establish Ua Kayongo l Questions on Striga Striga Swahili l Striga Luo l Striga Luhya l Contact Details © 2005.
African Agricultural
Technology Foundation's (
AATF
Striga Management Project ). |
||||||||||||||||||
